ჩემი ბოდიალი იმაზე, თუ როგორ დავივიწყოთ ადამიანი, რომელიც გვიყვარს/მოგვწონს/გვიზიდავს. თავი დავაღწიოთ აკვიატებულ აზრებს.
სიყვარული იმდენსავე ტკივილს გვაყენებს, რაოდენ დამატკბობელიცაა.. დავიწყების რამოდენიმე გზა, საშუალება, არსებობს.
1. გონებრივი დატვირთვა.
2. ფიზიკური დატვირთვა
3. დადებითის პოვნა.
არის კიდევ სხვა გზები, რომლებიც თავად უნდა აღმოაჩინოთ. უბრალოდ აირჩიეთ ის გზა, რომელიც ნაკლებად მოგცემთ იმის საშუალებას, რომ იფიქროთ და ნაკლებ ტკივილს მოგაყენებთ.
დატვირთვას ვაძლევთ გონებას, რათა მასზე (რაიმეზე) აღარ ვიფიქროთ. ვკითხულობთ, ვსწავლობთ, რათა დატვირთვა მივცეთ გონებას იმის გააზრებაში რასაც ვკითხულობთ. ხშოირად გონება გვეფანტება და ფიქრებით მივდივართ ისევ იმ ადამიანთან (ფაქტთან). როდესაც მივხვდებით, რომ გადავერთეთ, ვუბრუნდებით საკითხ მასალას. ამ მოქმედების რამოდენიმეჯერ განმეორება შედეგს იძლევა. აკეთებ ერთდროულად 2 რამეს: სწავლობ და ივიწყებ. ასეთი სწავლა არც ისე სახალისოა, თუმცა ღირს ცდა.
მეორე გზა არის ფიზიკური დატვირთვა. ჩემი აზრით მეორე ხერხი უფრო ეფექტურია..
ფიზიკური მუშაობა და მოქმედება იმ მხრივ არის კარგი, რომ ადამიანს ძალიან უჭირს ფიქრის ასე უცბად შეწყვეტა. გონებრივი მუშაობის დროს, შესრულებული საკითხი იქნება ნაკლევ ეფექტური, რადგან გონება მაინც გაიქცევა იმ მოვლენებისკენ, რომელიც მას აწუხებს.. ფიზიკური მუშაობის დროს, გონება ფიქრობს, აანალიზებს იმას რაც მას აწუხებს, რისი დავიწყებაც მას სურს. ანუ ადამიანი არ გაურბის ფიქრს. ფიზიკური მუშაობის დროს, ადამიანს საშუალება ეძლევა 2 საქმე ერთად აკეთოს.. იფიქროს და შეასრულოს საჭირო სამუშაო. გონებრივი მუშაობის დროს, ტვინზე მოდის ორმაგი დატვირთვა რაც დამღლელი და დამაბნეველია, ხოლო ფიზიკური სამუშაოს დროს ადამიანი ფიქრთან ერთად აკეთებს სასიკეთო სამუშაოსაც. ამასთან ყველასთვის ცნობილია, რომ ფიზიკურად დაღლილ ადამიანს მშვიდად სძინავს. :)
ამაზე მახსენდება დოსტოევსის "ანა კარენინას" ის მონაკვეთი, სადაც ლევინი ცდილობს დაივიწყოს კიტი, რომელმაც მის სიყვარულს ზურგი აქცია.შეგიძლიათ გადაიკითხოთ ის ფურცლები სადაც იგი მიწაზე მუშაობს, ეხმარება მუშებს. საინტერესო აღწერაა მისი განცდების, ფიქრების.
დავიწყების ან რაიმე ცუდი მოვლენის გადასატანად, იმის მაგივრად რომ დავჯდეთ და დეპრესიაში ჩავვარდეთ, ამას ჯობია ახლი ჰობი გავიჩინოთ. დავინტერესდეთ, აღმოვაჩინოთ და შევისწავლოთ რაიმე საქმიანობა.
ყოველ ცუდ მოვლენაში, ყველანაირ არასასიამოვნო ფაქტში არის ისეთი რამ რაც კარგ მაგალითად შეიძლება ჩავთვალოთ. ყველაფერში შეიძლება ვიპოვოთ დადებითი. თქვენთვითონ მიხვდებით თუ ჩაუკვირდებით. ისწავლეთ ფიქრი ასე: ეს მოხდა ასე, ალბათ უნდა მომხდარიყო. სამაგიეროდ მივხვდი რომ ... ასე და ასე... დავინახოთ მოვლენა დადებითად.
ეცადეთ სახლიდან გახვიდეთ. მოინახულეთ ადგილები, რომლებიც არ გინახავთ. საქართველოში ბევრი ისეთი ადგილია, რომელიც არ გინახავთ. საქართველოს ლამაზი ბუნება ყველამ იცის.. იმოგზაურეთ და გაეცანით ახალ ადგილებს, ახალ ადამიანებს.
პ.ს. ეს არის ჩემი შეხედულება. შეიძლება სულ სისულელე და უაზრობა იყოს. არც იმას ვამტკიცებ, რომ ნამდვილად ასეა.. ეს მხოლოდ ჩემი ხედვაა, მეტი არაფერი.
ბლოგზე ხომ ყველა თავის პირად მოსაზრებებს წერს.
წარმატებებს გისურვებთ! :)
