როგორ ვეთამაშოთ 2–3 წლის ასაკის ბავშვს

როგორ ვეთამაშოთ 2–3 წლის ასაკის ბავშვს

არ აქვს მნიშვნელობა რამდენი წლის ხართ ან თქვენ, ან თქვენი ბავშვები, თამაში მთელი ოჯახისთვის სასიკეთოა. გამოკვლევები გვიჩვენებს, რომ დედები და მამები განსხვავებულად ეთამაშებიან თავიანთ ბავშვს. დედები უპირატესობას ნიჭებენ კომუნიკაციურ და კრეატიულ თამაშებს, როგორიცაა ხელსაქმე და ჩაცმა–გახდის პროცესი.  მამებს კი უფრო აქტიური და სახიფათო თამაშები მოსწონთ როგორიცაა, ბოქსი და სხვა ხმაურიანი თამაშობები.
მიუხედავად ამისა, ყველა ასაკისთვის არსებობს 5 მარტივი და მნიშვნელოვანი წესი:

1. თამაში არ უნდა იყოს დაკავშირებული თანხასთან.
2. მიუხედავად იმისა, რომ არ გაქვთ თამაშის სურვილი, რომ დაიწყებთ მიხვდებით თუ როგორი სახალისოა და ისე ჩაგითრევთ ვერც მიხვდებით.
3. თავი აარიდეთ შეჯიბრებებს. თამაშის არსი მდგომარეობს შეთანხმებაში, შეკავშირებაში, ფანტაზიაში და ერთად ყოფნაში.
4. მიეცით ბავშვს საშუალება მან თავად გადაწყვითოს რა ითამაშოს და როგორ ითამაშოს. თქვენ კი მაქსიმალურად შეეცადეთ ბოლომდე აჰყვეთ ამაში. თუ თქვენი ბავშვი რაიმემ ძლიერ გაიტაცა, თქვენც შეუერთდით მას. ფოთოლი, ხვლიკი, ხის კოვზი როგორც ყველასთვის, მისთვისაც საინტერესოა.
5. ნუ იქნებით თავშეკავებული, ჩაერთეთ!

2–3 წლის ასაკის ბავშვთან თამაშის ვარიაციები.
როდესაც ეთამაშები 2 წლის და მის ზემოთ ასაკის ბავშვს, აუცილებელი არაა ჩართო ძვირიანი სათამაშოები, ახალი თამაშები ან მსგავსი სირთულეები. პირიქით, უნდა გაუადვილოთ თამაში, რათა უფრო სახალისო გახდეს მისთვის და მხიარულად გაატაროთ დრო. ამ ასაკის ბავშვებს აქვთ დიდი  ფიზიკური ენერგია, რომელიც უნდათ, რომ სადღაც გამოავლინონ და დახარჯონ. საკვირველია, თუ როგორ შეუძლიათ მათ რთული თამაშებით გართობა წვიმიან ამინდში, როდესაც ისინი გარეთ ვერ გადიან.



მეხსიერების თამაშები

დამახსოვრება ბავშვისთვის რთულია მისი ასაკიდან  გამომდინარე, ამიტომ ვცადოთ სხვადასხვა თამაში, რომელიც ფერებისა და ნახატების ამოცნობაში მდგომარეობს.

ავიღოთ მაგალითად სათამაშო კარტი. აირჩიეთ ერთი ფიგურის (მაგალითად აგურის) ტუზი, მეფე, დამა, და ვალეტი. ტუზ აგურს ქვემოთ დაუდეთ ტუზი ყვავი და ნახეტ თქვენი ბავშვი  იპოვის თუ არა  შესაბამის კარტებს (ყვავის მეფეს, დამას, ვალეტს). გაართულეთ თამაში ბავშვის გონებრივ შესაძლებლობების მიხედვით.

კარტით თამაში
შეიძლება ასაკიდან გამომდინარე ბავშვი არაა მზად რთული თამაშებისთვის , თუმცა არსებობს რამოდენიმე სახალისო თამაში კარტით.  აიღეთ ძველი, ნაყინის პლასტმასის კოტნეინერი და კარტის დასტა. გაჭერით სიგრძეზე კონტეინერის თავსახური ისე, რომ შიგ კარტი გაეტიოს. შემდეგ თითო– თითოდ ჩაასრიალეთ კარტები კონტეინერში ბავშვმა კი უნდა დაასახელოს ყველა ის კარტი რომელიც ნაყინის ყუთშია. ეს სახალისო თამაშია თუკი ბავშვი ამით ერთობა.

ფუნქციური თამაშის სიმარტივე
თქენს ბავშვს აუცილებლად მოეწონება სენსორული თამაშები როგორიცაა:  ქვიშის კოშკების აშენება, ტალახის ღვეზელები, ჩაი წვეულება და თუნდაც ჭურჭლის რეცხვა. ყველა ეს თამაში ძალიან სასიამოვნოა ბავშვისთვის.

თარგმანი ჯასტინ კოლსონის სტატიიდან.