<< ჩემი ნაწყვეტ-ნაწყვეტი ფიქრები >>

ფიქრები, ესაა ის, რასაც ვერასოდეს გაიგებს ვერავინ რა ახლოსაც არ უნდა იყოს ჩემთან.
ყური მოსწიე, თავი მომადე, თვალებში ჩამხედე, მაინც ვერ გაიგებ რაზე ვფიქრობ.
არ ვიტყვი და ვერ ვიტყვი, რაზეც ვფიქრობ. ეს ისეთი ფიქრებია, რომლებსაც სიტყვებით ვერ დაალაგებ.
ბევრს ვფიქრობ თუ არა?
ძალიან ცოტას.
ამას თავი დავანებოთ...
წერილი ფიქრეთის ერთ-ერთ მაცხოვრებელს.

ვიღაცას როგორ უნდა შურდეს შენი? ოდესმე იფიქრებდი, რომ შენივე სქესის წარმომადგენელს შენი შეშურდებოდა? არა შესაშური კი არის მარა... იცი რა სიტყვები თქვა?  "ვიღაც ელ-მა ("ელ" სახელია) როგორ უნდა მაჯობოსო?" ისე აღაშფოთა ამ ფაქტმა. რათქმა უნდა რა შეშურდა ამას ვერ მოგწერ. ეს  მე ვინც ვიცი და კიდე არის ადამინები, რომლებსაც ასევე შურთ შენი.
ვიცი, შენ გაგისწორდება რომ გაიგო რისი შურთ, მარა განზრახ არ მოგწერ.
<ხალხი რას იფიქრებს>
შენი გოგო იცი რეებს შვრება?-- არ იცი. არც დაინტერესებულხარ და იმიტომ.
ის კარგადაა და მეტიც, ზედმეტად კარგად. ზედმეტი კი არაფერი ვარგა.
გგონია ვბოდავ?
არა. ჩემი ფიქრებივით არეულად გამოვხატავ ჩემს შეხედულებებს.
შენი გოგო სხვას ეხუტება და შენზე ფიქრობს. შენი გოგო ჩახუტებისას თვალებს ახელს და საშინელებებს ფიქრობს. თავად მითხრა რეებს ფიქრობს, მარა თვითონ არ თვლის, რომ საშინელებაა. თავს რგავს ვიღაც ბიჭის მკერდზე და ფიქრობს: ის ხომ სხვას ეხუტება, მეც ჩავეხუტები სხვასო და უფრო მაგრად ეკვრის მკერდზე ალკოჰოლმოკიდებული.
შენი გოგო ფიქრობს, რომ ნაძირალა ხარ. ალბათ ჯერ ვერ გაიაზრა, რომ შენ ნაძირალაზე უარესი ხარ. არაუშავს ზიზღი უფრო ძლიერიც არსებობს და მალე მოემატება.
შენი გოგო სხვა ბიჭებს გადარებს.
შენ გოგოს არ უნდა ამდენი ბიჭი, არა, მას ბიჭი სულ არ უნდა, მარა უწევს მათთან ყოფნა.
შენი გოგო ხვდება, რომ გაგა მწარედ გჯობია.
შენი გოგო ყველა შემხვედრს ეხუტება და რაღაცას ეძებს ამ ჩახუტებაში. ჯერ ვერ იპოვა.
შენი გოგო ელოდება ისეთს, ვისი შეხებაც ააკანკალებს და ერთი ტუჩების შეხებით გათიშავს.
შენ გოგოს ბოლო 2 დღის განმავლობაში სიგიჯემდე ენატრები და იკლავს გულში ამას.
შენი გოგო ძლიერია.
შენ გოგოს შეუძლია 4 ბიჭთან იყოს და ამავდროულად არცერთთან.
შენი გოგო ბიჭებს კოცნის და შენი ერთგულია.
შენმა გოგომ  ვერ შეძლო ის, რაც შენ მეორე დღესვე გააკეთე.
შენ გოგოს იმის გაკეთება შეუძლია შენს გამო, რასაც შენ ვერ წარმოიდგენ.
შენს გოგოს ეზინება და არ აძინებ.
შენი გოგო კარგადაა.

შენი გოგო? ბოდიში, მინდოდა მეთქვა შენი ყოფილი გოგო.

მე რომ ბიჭი ვყოფილიყავი

ერთ-ერთ ბლოგზე ვნახე ასეთი პოსტი. თეგ თამაშად აქცია ნინიმ.  დათაგულების შემდეგ ეწერა ვისაც არ დაგეზარებათ დაწერეთო, მომინდა, დამაინტერესა და გადავწყვიტე დამეწერა.

1. მე რომ  ბიჭი ვყოფილიყავი, ვიქნებოდი მაგარი "ბაბნიკი" . ყველაფერს გავაკეთებდი სასურველი გოგოსთვის. არა, მართლა. ახლანდელი ბიჭები "არ მოგწონვარ, კარგად იყავი," ეგეთი არ ვიქნებოდი. ძალიან ბევრს გავაკეთებდი გოგოსთვის. იმდენს ვიზავდი, რომ მაინც მოვაწონებდი თავს.

2. გარეგნულად "კაი ტიპის" იერი მექნებოდა და ეგეთ შთაბეჭდილებას დავტოვებდი ხალხზე, მარა ეგეთი არ ვიქნებოდი სინამდვილეში. ძაან ნაკითხი და განათლებული ვიქნებოდი. ცეკვა მეცოდინებოდა არაჩვეულებრივად და არ ვიქნებოდი გამხდარი.

3. მექნებოდა კარგი სამსახური, მზარდი ანახღაურებით და ამასთანავე ძალიან დატვირთული ვიქნებოდი სამსახურში. გვიანობამდე ვიმუშავებდი. თავისუფალი დრო ცოტა მექნებოდა.

4. კარგი სათვალე და კარგი საათი მექნებოდა.
5. არ მეყვარებოდა ფეხბურთი, და ვიქნებოდი კარგი მოცურავე. :) (ბიჭი კარგად რომ ცურავს, იფ იფ იფ)

6. მეცოდინებოდა მათემატიკა კარგად.
7. არ მექნებოდა კარგი იუმორის გრძნობა. (კარგი)
8. მექნებოდა მკაცრი გამომეტყველება და არ ვიქნებოდი ძალიან სიმპატიური.
9. მეყოლებოდა შვილები გოგო და ბიჭი. გოგოს ბალეტზე შევიყვანდი, ბიჭს ჩოგბურთზე. (აქ უკვე ჩემი სურვილები ჩავაქსოვე) ^^
10. ვიქნებოდი ძალიან ეჭვიანი და ძალიან ფიცხი.

^^
რავარი ვარ?
ვარ ცინცხლა?